لاہور ( نیوز ڈیسک) بچوں کا معروف رسالہ ماہنامہ ’’پھول ‘‘ لاہور ستمبر 2024 ء میں یادگار ’’ختم نبوت ﷺ نمبر‘‘ شائع کرے گا ۔ یہ خاص شمارہ 12 ربیع الاول عید میلاد النبی ﷺ اور 7 ستمبر یوم تحفظ ختم نبوت ﷺ کے حوالے سے شائع کیا جائے گا جس میں عید میلاد النبی ﷺ اور تحفظ ختم نبوت ﷺ کے حوالے سے ملک کے نامور لکھاریوں کی تحریریں شائع کی جائیں گی ۔ ماہنامہ ’’پھول ‘‘ لاہور نے اس خاص نمبر میں تحریریں شائع کروانے کے لئے 10 اگست 2024 ء تک کی تاریخ مقرر کی ہے ۔ لکھاری اپنی تحریریں بذریعہ ڈاک یا ای میل ماہنامہ پھول کو ارسال کرسکتے ہیں ۔
